Við tileinkum okkur fagleg vinnubrögð sem byggja á þekktum aðferðum hugbúnaðarþróunar. Tilgangur greiningarvinnunnar er að komast inn í hugarheim þeirra notenda sem koma til með að nota lausnina, horfa gagnrýnum augum á þær kröfur sem eru settar fram og skilgreina þau vandamál sem viðskiptavinir okkar standa frammi fyrir. Við nýtum okkar þekkingu til að skapa lausnamiðaða nálgun og hjálpum samstarfsaðilum okkar að móta skýra framtíðarsýn, áður en farið er af stað í verkefnin.

Fyrir hvert verkefni er sett saman þverfaglegt teymi af forriturum, hönnuðum og teymisþjálfurum sem henta hverju verkefni fyrir sig. Við vinnum eftir Agile hugmyndafræði og leggjum áherslu á sveigjanleika í okkar nálgun sem getur skipt sköpum í sparnaði og gæðum lausnarinnar.

Hönnun hefur áhrif á hvernig notendur tengja við vörumerki og við leggjum mikið uppúr hönnunarfasanum í uppbyggingu þeirra lausna sem við vinnum að. Okkar markmið er að fá þitt vörumerki til þess að bera af með því að skapa fallega og notendavæna lausn sem fer fram úr væntingum notenda. 

Í framhaldi af því að komast að þörfum okkar samstarfsaðila eru teknar ákvarðanir um hvaða lausnir henta við þróun á verkefninu. Við nýtum okkur nýjustu staðla og kerfi þegar kemur að þeim lausnum sem við bjóðum upp á. Við erum með öflugan hóp forritara sem eru með reynslu allt frá einföldum vefsíðum yfir í þróun á flóknum og framsæknum kerfum sem hafa unnið til margvíslegra verðlauna.

Gæði koma ekki af sjálfu sér, heldur er útkoma sem myndast þegar verkefni eru vel skilgreind, skipulögð og framkvæmd eftir skýrum ferlum. Við hjá Sendiráðinu setjum gæði alltaf í forgang og fylgjum öllum verkefnum eftir með ýtarlegum prófunum.

Til þess að tryggja hámarks gæði fyrir okkar samstarfsaðila þá setjum við upp þrjú umhverfi; þróunar, prófunar og raunumhverfi þar sem við sannreynum útlit og virkni áður en varan berst til notenda.

Við leggjum áherslu á gott samstarf við okkar viðskiptavini þar sem gegnsæi og traust er í fyrirrúmi. Skila- og gæðastjórar Sendiráðsins aðstoða viðskiptavini við niðurbrot verkefna, forgangsröðun og passa upp á að halda viðskiptavinum upplýstum í gegnum allt verkefnaferlið.